- الرئيسية
- من نحن
بنشتغل عشان شغلك يصير أخف.
Jaber X Solutions & Development Services وكالة تسويق وتطوير من الخليل. بنجمع المحتوى والإعلان والتقنية والذكاء الاصطناعي بفريق واحد، وهدفنا واحد: مشروعك يكبر وإنت ما تتعب أكثر.
من التجارة للتقنية.
بلّشت Jaber X من السوق نفسه. مؤسسها محمد جابر قضى أكثر من 12 سنة بالتجارة والتسويق — محلات أحذية، متاجر إلكترونية، فضة وإكسسوارات — وشاف بعينه وين بتضيع وقت وفلوس أصحاب المشاريع.
من هون إجت الفكرة: بدل ما صاحب المشروع يلحق مصوّر ومصمّم ومبرمج ومحاسب، يكون في فريق واحد بيفهم التجارة وبيبني نظام متكامل. اليوم بنصنع وبننشر محتوى لأكثر من 25 براند، وبنطوّر منصة Jaber X اللي شغّال عليها أكثر من 25 متجر إلكتروني.
شعارنا «بالريش»: أي مهمة لازم تصير أخف من الريشة.
بنستخدم الذكاء الاصطناعي كأداة إنتاج حقيقية — بالتصوير والكتابة والنشر والتقارير والرد على الزبائن — عشان نوصل لجودة أعلى بوقت أقل، ونمرر هالتوفير لعملائنا.
فريق كامل، كل واحد بمكانه.
تصوير ومونتاج، صناعة محتوى بالذكاء الاصطناعي، نشر وكتابة، مواقع ومتاجر، رد على الزبائن، ومحاسبة — كلهم بنفس المكان وبنفس الجدول.
المحتوى والإبداع
أفكار، سكربتات، إعلانات ومحتوى AI.
التصوير والمونتاج
جلسات ميدانية أسبوعية وريلز.
التقنية والمتاجر
منصة Jaber X، مواقع وأتمتة.
العمليات والمحاسبة
نشر، متابعة، رد ومحاسبة.
اللي ما بنتنازل عنه.
الوضوح
كل اتفاق مكتوب، كل سعر واضح، وكل شهر في تقرير.
النتيجة قبل الشكل
التصميم الحلو لازم يبيع. بنقيس الطلبات والرسائل، مش الإعجابات.
التوثيق
كل نظام بنبنيه موثّق، عشان يضل شغّال حتى لو تغيّر الفريق.
خلّينا نتعرّف على شغلك.
استشارة قصيرة بنفهم فيها وين واقف ووين بدك توصل.